Një prokuror spanjoll kërkon 8 vite burg për Shakirën. Jo vetëm kaq por edhe 23 milionë euro gjobë për evazion fiskal.
Lajmi u bë me dije për “El Pais”
Zyra e prokurorit e akuzon atë për mospagimin e taksave nga viti 2012 në 2014.
Këngëtarja kolumbiane, e cila ka shitur më shumë se 80 milionë disqe në mbarë botën me hite të tilla si “Hips Don’t Lie”, ka përmbushur gjithmonë të gjitha detyrimet e saj tatimore, thuhet në një deklaratë. Ajo e konsideron rastin “një shkelje totale të të drejtave të saj”.
“Këngëtarja është plotësisht e bindur në pafajësinë e saj dhe për këtë arsye nuk pranon marrëveshje”, thuhet në deklaratë.
Më herët, Shakira ka pohuar se Gerard Pique është arsyeja që mediat po e ndjekin rregullisht atë dhe fëmijët e tyre.
Dyshja do t’i nënshtrohen një beteje gjyqësore për vendin ku do të jetojnë fëmijët e tyre. Këngëtarja i do në Florida me të por mbrojtësi i Barcelonës mendon se ata duhet të qëndrojnë në qytet për të vazhduar shkollimin atje.
Sipas “Informalia-s”, ajo që avokatët e saj kanë rekomanduar që këngëtarja të argumentojë është “presioni mediatik që kanë vuajtur fëmijët dhe ajo vetë që kur u bë publike ndarja dhe u bë e ditur se futbollisti kishte ide të tjera”.
Dhe këtë do të përpiqet të tregojë këngëtarja, se për shkak të Pique-s, të cilin e konsideron të vetmin përgjegjës për ndarjen, fëmijët e saj kanë humbur cilësinë e jetës për shkak të interesit mediatik që kanë krijuar.
