Filmi më i ri i Luiz Ejllit dhe Kiara Titos “Loja e fundit”, po konsiderohet si një nga projektet më të preferuara të momentit nga publiku shqiptar, duke marrë vëmendje të madhe në rrjetet sociale dhe media. Prodhimi vjen me regji nga Klaudia Brahimaj dhe Bjordi Mezini dhe ka krijuar reagime të shumta që në publikimin e filmit i cili është tashmë në çdo kinema.
Filmi parodizon ngjarje dhe personazhe reale të medias dhe showbiz-it shqiptar, duke përfshirë edhe elemente të frymëzuara nga vetë historia e Luizit. Projekti sjell skena satirike dhe ironike, që trajtojnë situata të njohura për publikun dhe realitetin e botës së televizionit dhe spektaklit.
Një nga skenat që ka tërhequr më shumë vëmendje është ajo ku shfaqet një ambient i mbushur me trëndafila, që shumë ndjekës e kanë interpretuar si një referencë apo parodi ndaj formateve televizive dhe momenteve romantike në ekran. Kjo ka nxitur edhe diskutime online për një “thumb” apo krahasim me moderatoren Luana Vjollca, e cila ka ndare herë pas here pamje të tilla, e rrethuar me trëndafila në rrjetet sociale.
View this post on Instagram
Në rrjet po qarkullon edhe ideja se projekti mund të sjellë një lloj rivaliteti simbolik në showbiz, pasi disa e shohin si një “lojë” ndaj figurave të njohura të ekranit. Megjithatë, gjithçka mbetet në kuadrin e humorit dhe satirës që filmi synon të përcjellë.
Pamjet dhe videot e publikuara deri tani kanë rritur interesin e publikut, duke e bërë projektin “Loja e fundit”, një nga prodhimet më të komentuara të momentit dhe një hap të ri për Luizin dhe Kiarën në kinematografinë shqiptare.
