Agjencia e OKB-së tha se edhe të qenit afër një telefoni inteligjent është e lidhur me shpërqendrimin e studentëve në klasë, gjë që nga ana tjetër sjell edhe rezultate më të dobëta.
Një raport i ri i UNESCO-s ka bërë një paralajmërim kundër përdorimit të tepërt të teknologjisë si telefonat dhe kompjuterët në arsim, duke thënë se përfitimet që sjellin zhduken kur përdoren me tepricë ose pa udhëzimin e një mësuesi.
Revolucioni dixhital ka një potencial të pamatshëm, por, ashtu siç janë shprehur se si duhet të rregullohet në shoqëri, një vëmendje e ngjashme duhet t’i kushtohet mënyrës se si përdoret në arsim,” tha Audrey Azoulay, Drejtore e Përgjithshme e UNESCO-s.
Pasi u zbulua se thjesht mbajtaj e një telefoni në klasë shpërqendron studentët dhe ka një ndikim negativ në të mësuarit në 14 shtete, më pak se 1 në 4 vende në të gjithë botën e kanë ndaluar përdorimin e smartfonëve në shkolla.
Ato që i kanë ndaluar përfshijnë Anglinë apo Francën, e cila e prezantoi masën në vitin 2018; Italinë, ku mësuesit i mbledhin telefonat inteligjentë të nxënësve në fillim të ditës; Finlandën dhe Holandën, të cilat do ta prezantojnë ndalimin në fillim të vitit 2024.
