Mevlani dhe Ledjana, një prej dyshes më të komentuar në rrjet, i kanë dhënë fund prej javësh me njëri-tjetrin, por ato akoma vazhdojnë të marrin vëmendje me deklaratat e tyre.
Së fundmi, ish-konkurrenti 33 vjeçar ka folur edhe njëherë për këtë teksa ka qenë i ftuar në rubrikën “N’fermë”.
I pyetur nga gazetari Ervin Kurti se pse i është lënduar zemra, Mevlani e ka marrë vetë përsipër fajin.
“Nga mendtë e mia se vajzat nuk kanë faj. Unë e kam fajin”, është shprehur ai.
Më pas gazetari e pyeti: Domethënë fajin për të gjitha ato që ndodhën me Ledjanën e ke ti?
“Nuk e di për cilën e ke fjalën ti, por në përgjithësi në jetën time jap shumë e marr pak. Kjo është gabim”, është shprehur më tej Mevlani.
Edhe pse ai bëri sikur nuk e kuptoi pyetjen që iu drejtua dhe nuk e pranoi konkretisht se e kishte për Ledjanën këtë deklaratë, fansat janë të bindur se ky ishte as më pak as më shumë, por një thumb drejtuar Ledjanës.
Para pak kohësh, ai zbuloi në “Shqipëria Live” arsyen e prishjes së marrëdhënies së tyre.
“Kemi pasur gjithmonë debate të vogla, me punën e kokëfortësisë. Erdhi momenti që nuk po flisnim, nuk po takoheshim më. Vendosa ta them dhe për publikun. E kam pëlqyer atë njeri, nuk e mohoj, por kemi disa javë që nuk flasim fare, nuk ndiqemi as në Instagram”, u shpreh Mevlani teksa theksoi se mundësisë për ribashkim “nuk mund t’i japë përgjigje”.
