Mëngjesi i sotëm ka nisur ndryshe në Tiranë. Një rënie drastike temperaturash është shënuar sot, duke sjellë për herë të parë për këtë vit edhe dëborë në kryeqytet.
Temperaturat kanë zbritur duke bërë që në pranverë rrugët e Tiranës të zbardhen.
“Ballkanweb” ka publikuar edhe një video të këtij momenti, i cili i ka gjetur njerëzit ende në lëvizje për shkak të orarit.
Ditën e djeshme pati reshje dëbore në pjesën JugLindore të vendit. Korça dhe Pogradeci u zgjuan të zbardhur nga dëbora, e cila vazhdoi gjatë gjithë ditës.
Temperaturat pritet të përmirësohen gjatë fundjavës.
