Portieri i Partizanit, Alban Hoxha është aksidentuar rëndë teksa udhëtonte me mesfushorin Lorenc Trashi.
Lajmi tronditës është bërë i ditur nga “Sport Ekspres”, sipas të cilit, dy futbollistët po udhëtonin me makinën tip “BMW X5” të Albanit, kur janë aksidentuar.
Mesfushori ka pësuar lëndime në brinjë dhe do t’i duhet të qëndrojë pushim shtatë ditë, sipas raportit të parë mjekësor, edhe pse sot u stërvit i diferencuar pikërisht për këtë arsye.
Sa i përket portierit, gjendja e tij është më e qëndrueshme. Makina tip “BMW X5” është bërë copash, por për fat nuk ka ndodhur tragjedia.
