Emisioni i mëngjesit në Televizionin Shqiptar “Mirëmëngjes Shqipëri” prej disa vitesh drejtohet nga ish- fituesi i “Big Brother” Arbër Çepani dhe gazetarja Blerina Shehu.
Ky emision çdo ditë trajton tema të ndryshme sociale dhe kulturore me të ftuar të ndryshëm në studio.
Për punën e tyre dhe kontributin në televizion dy moderatorët e njohur janë vlerësuar me çmim ndërkombëtar kushtuar ekselencave në fushën televizive.
Lajmin e ka bërë të ditur vetë Arbri në Instagram ku shkruan: “Më lejoni të ndaj lajmin e gëzueshëm me ju, që bashkë me kolegen Blerina Shehu, do të tërheqim këtë të shtunë në Napoli të Italisë, çmimin ndërkombëtar kushtuar ekselencave në fushën televizive. Jemi shumë krenarë që në edicionin e XVIII të festivalit ndërkombëtar të ekselencave ‘Napoli Cultural Classic’, do të flitet edhe shqip! Duke ju falenderuar të gjithëve për mbështetjen dhe dashurinë e pakushtëzuar që na keni dhuruar, këtë çmim duam përzemërsisht ta ndajmë me ju”.
