Sot, këngëtarja shqiptare me famë botërore, Dua Lipa, feston ditëlindjen e saj.
Dua ka lindur më 22 gusht të vitit 1995 dhe sot mbush plot 24 vjeç.
Megjithëse në moshë fare të re, ajo ka arritur majat e suksesit dhe ia ka dalë të jetë e njohur në të gjithë botën, ndërsa këngët e saj janë kthyer padiskutim në hite.
Në Instastory, këngëtarja ka ndarë me ndjekësit dhuratën e veçantë që i ka bërë partneri i saj i ri, Anwar Hadid.
20-vjeçari i ka dhënë Duas një gur të çmuar super të vecantë, i cili ka nuancën e ngjyrës blu.
Në postim këngëtarja ka etiketuar Anwar-in, duke i bashkëngjitur edhe emojin e dy zemrave.
Kujtojmë se Dua dhe Anwar e nisën romancën e tyre fill pas ndarjes së Duas me Isaac Carew, pas shumë kohësh lidhje së bashku.
Ajo u fotografua në krahët e Anwar-it gjatë një festivali dhe nuk vonuan ta bënin lidhjen e tyre publike, duke e shprehur hapur simpatinë për njëri-tjetrin.
