Në edicionin e fundit të Big Brother Albania, ku për herë të parë loja u zhvillua me çifte dhe jo me individë të vetëm, çifti Danjel dhe Fotini u shpall fitues falë mbështetjes së një morie fansash që vijuan t’i ndiqnin dhe në rrugëtimin e tyre jashtë shtëpisë.
Nëpërmjet rrjeteve sociale, Danjeli dhe Fotinia tregonin vazhdimisht të përditshmen e tyre duke i mbajtur fansat gjatë gjithë kohës të informuar mbi zhvillimet e reja.
Por prej pothuajse një viti, dyshja e famshme duket se është zhdukur tërësisht nga rrjetet sociale duke i lënë të gjithë në pikëpyetje mbi të rejat rreth tyre, veçanërisht për dasmën e shumëpërfolur që pritej që ata të zhvillonin, pas asaj që u mbajt në brendësi të shtëpisë së Big Brother.
Kjo heshtje e tyre madje ka nxitur dhe zëra që thonë se dyshja i ka dhënë fund lidhjes.
Por për të gjithë ata që dyshojnë, së fundmi kanë reaguar vetë të afërmit e dyshes.
Një i afërm i Danjelit, së fundmi ka konfirmuar për “Xing.al” se ata jo vetëm që janë bashkë, por janë “për bukuri”!
Pra mesa duket, dyshja e famshme ka zgjedhur që t’i rikthehet privatësisë dhe për të rejat e fundit prej tyre, duket se do të na duhet të presim.
