Ai është përfolur shpesh për varësinë ndaj pijeve, madje ka pasur raste që është shfaqur i alkoolizuar në emisionet televizive.
Por tani Kastro Zizo tregon se është divorcuar nga alkooli dhe për këtë vendim e kanë ndihmuar miqtë dhe të afërmit e tij.
“U bënë 5 muaj që nuk abuzoj më me alkoolin. Ishte një moment që degradova! U zgjova një mëngjes dhe kuptova që më kishte humbur shumë respekti ndaj vetes sime. Po shkaktoja dhimbje tek njerëzit e mi më të afërt apo që doja më shumë dhe i thashë vetes se unë nuk jam kaq i vogël, nuk mund t’ia lejoj një lëngu të më mposhtë. Ndoshta ishte dhe bashkëshortja ime irreale përgjatë shumë viteve, që ka dhënë e ka marrë nga unë, por kur vjen momenti duhet të divorcohesh dhe unë kam një natyrë që nuk e kthej më kokën pas”, rrëfeu Kastro Zizo i ftuar në “E diell”.
Deklarata e tij vjen si një mesazh për të gjithë ata që hasen me të njëjtin problem si këngëtari: Mund t’ia dalin!
