Reperi i njohur Stresi ka përjetësuar në këngë kujtimin për mikun e tij Brilant Martinajn i cili u vra më 17 Korrik të këtij viti në masakrën e Fushë Krujës.
Në tekst, Stresi shprehet se pabesia i ka marrë shokun në moshë shumë të re, ndërsa thotë se askush nuk dëshiron të jetojë pa shokë të vërtetë.
Pjesë nga teksti:
17 Korrik, viti 2022, do më mungosh shumë vëllai im Brilant
Jeta jeme libër kush diti me e kuptu, lexoma fillimin dhe në fund nuk ki me m’gjyku
Gjithmonë kam frikën mos humb njerëzit që du’, e py’ti veten a ka njerëz që kanë frikë me m’humb mu’
Pa shoq’ni, askush nuk do dëshiron të jetoj
Po të kesh të gjitha të mirat prapë nuk është njësoj
Jeta nuk ështe e poshtër por ka të poshtër që jetojnë në këtë jetë
Ah moj e vërtetë pse më le pa shokë në jetë
(…)
Ma more shokun shumë të ri, pabesi
Krahas Stresit, për vrasjen e të riut, reagoi asokohe edhe boksieri i famshëm Krist Prenga. Boksieri e cilëson Brilantin si ‘vëllain’ e tij si dhe thekson se ia ka bërë zemrën copë largimi i tij nga jeta. Jo vetëm kaq por Prenga ngushëllon të gjithë miqtë e tij.
“Na e bane zemrën copash Brilant. Copash o vëllai jonë. Ne ma t’mirën ditë e ma t’mirën moshe i shkon afër Zotit. Tu prehtë shpirti në paqe. Ngushëllime miqtë e mi Zoti ju forcoftë 💔”, shkroi boksieri.
