Së fundmi kryefjala e shumë mediave rozë kanë qenë dy personazhet e njohur publikë, Rita Ora dhe këngëtari Liam Payne.
Për çfarë arsyeje?
Ata janë parë duke darkuar privatisht në një restorant në Londër dhe ekzistojnë aludime se diçka po ndodh mes tyre duke marrë këtu në konsideratë faktin se Liam sapo është ndarë nga supermodelja Naomi Campbell dhe Rita po ashtu është ndarë nga aktori Andrew Garfield.
Ylli i muzikës tërhoqi vëmendjen e të gjithëve me fustanin e saj magjepsës që i ekspozonte gjithë pjesën e shpinës dhe realisht dukej mahnitëse.
Mirëpo nëna e saj Vera Ora pasi pa veshjen sexy të së bijës i bëri një kritikë të vogël përmes një komenti në Instagram.
“Oh jo, vogëlushe do ftohesh ashtu!”- shkruan e ëma e këngëtares shqiptare.
Pra Vera është një nënë tipike shqiptare që vazhdimisht i thotë të bijës që të kujdeset për shëndetin e saj dhe të vishet mirë, por të gjitha nënat duhet ta kuptojnë faktin se rinia e sotme, kryesisht personazhet publikë duhet të bëjnë disa sakrifica të vogla për hir të bukurisë dhe të modës.
