Lëkundje të forta tërmeti u shënuan rreth orës 00:17 minuta të 14 janarit 2024. Tërmeti me magnitudë 4.3 i shkallës rihter dhe thellësi 20.8 km ka pasur epiqendrën në Dushk të qytetit të Lushnjes.
Daniel Rika, është 20-vjeçari i cili humbi jetën pas lëkundjeve të tokës. I riu vuante nga ankthi, dhe gjatë momentit të lëkundjeve ai është zgjuar i trembur dhe menjëherë ka tentuar të largohet me vrap.
Ai ndodhej në katin e dytë të banesës, aty ku jetonte me prindërit e tij, dhe nga nxitimi është rrëzuar nga shkallët duke pasur një fund fatal. Trupi i pajetë i të riut është dërguar në morgun e spitalit të Lushnjes ku pritet t’i ushtrohet një ekspertize mjeko-ligjore.
