Ndoshta e kishit harruar aktoren Sandra Bullock dhe çfarë ndodh me jetën e saj private. Tashmë zbulohet se Bullock dhe i dashur i saj, Bryan Randall, po planifikojnë të martohen. Aktorja e “Ocean’s Eight” dhe fotografi raportohen se po planifikojnë një dasmë sekrete, sipas “Us Weekly”.
“Ata kanë diskutuar për një dasmë sekrete. Megjithatë, Sandra është ende duke e menduar këtë gjë për shkak të eksperiencës së saj të keqe në të shkuarën”, tha një burim.
“Ka pak hezitim nga ana e saj. Aktorja u nda nga ish-bashkëshorti i saj, Jesse James pasi ai e tradhtoi me një femër tjetër”.
Nga ana tjetër, Bryan është shumë i emocionuar të kurorëzojë dashurinë e tij me yllin e “Gravity”.
“Ai është shumë i vendosur ta bëjë aktoren, bashkëshorten e tij. Por ai po pret vendimin e saj”, ka shtuar burimi.
Burimi: Daily Mail
