Ditët e fundit është rikthyer sërish vëmendja te dyshja Bora-Donald pasi një foto e Semit me Donaldin dhe Borën bëri xhiron e rrjetit duke ‘vulosur’ kështu rikthimin e këtyre dy të fundit.
“Shokë përgjithmonë”, shkruante Semi.
Mirëpo, menjëherë pas fotos së Semit, reagoi Trixa e cila e thumboi hapur dyshen duke publikuar një foto të sajën ku shkroi: 2euro.
Por sot Bora i surprizoi të gjithë pasi publikoi disa foto në Instagram nga “Sunny Hill Festival”. Ajo u pa në praninë e miqve të saj, por në njërën prej fotove u aludua se ishte dhe aktori i njohur i humorit, Donald Veshaj!
Edhe pse të gjithë menduan se ishte Donaldi, bazuar në stilin e veshjes, në fakt nuk ishte ai personi i shfaqur pranë Borës. Djali i shfaqur në foto ishte Sardi Strugaj, me të cilin Bora ka një miqësi të mirë. Moderatorja u kujdes ta priste foton për të mos treguar imazhin e plotë të Sardit.
Më herët, një video qarkulloi kudo ku shihej qartazi se si prezantuesja Bora Zemani kishte ruajtur një video të Donaldit dhe Beatrix, të cilët shihen duke u përqafuar.
Bora e ka shtuar videon tek “favorite” dhe videot e preferuara dalin me emra.
Ndoshta moderatorja nuk e ka ditur këtë gjë, por nuk mungoi aspak as reagimi i Trixës. Ajo publikoi një video në TikTok ku ka ironizuar Borën pas veprimit të kësaj të fundit.
“Unë ktë e bëra kastile. Ti mund ta shtosh edhe këtë si të preferuar gjithashtu ‘baby girl’”, shkruan Trixa krahas videos.
