Einxhel Shkira dhe Dj Dagz janë një ndër çiftet më të komentuar dhe të dashur edhe pas daljes nga BBV. Çifti janë në pritje të fëmijës së tyre të oarë, teksa së fundmi janë ndezur dyshimet se ata po mendojnë për një dasmë.
Vetë Einxhel ka ndarë një foto në Instastory, ku thuhet se çifti po planifikojnë dasmën për të kurorëzuar dashurinë e tyre të lindur brenda “Big Brother Vip.”
Moderatorja ka publikuar shkrimin, ku mes të tjerash thuhej se do të bënin një ceremoni private, por në fakt, ajo pohon se nuk do të jetë kështu.
Jo vetëm që do të ketë një dasmë, por do të jetë dhe madhështore. “Jo dasmë…por super dasmë do të ketë”, shkroi ajo.
Moderatorja publikoi pak kohë më parë disa foto në Instagram, ku zbulon momente nga zënka e parë me Dagz.
“Dita kur ne kishim zënkën tonë të parë, shikoni galerinë për të parë momentin e paqes”, shkroi ajo.
Më herët, Einxhel ka patur një reagim për personat që e kanë kritikuar për ekspozimin e barkut të rrumbullakosur në rrjet.
“Si fillim ju falenderoj shumë për çdo urim, fjalë të mirë e këshillë pa e vënë në diskutim qëllimin e mirë në secilën prej tyre. Por kam lexuar komente e mesazhe ku sugjeroni, gati-gati në lutje që të mos ekspozoj në foto barkun se tani ‘si nënë e kupton vetë ti’ (?!). Unë kuptoj dhe nënkuptoj shumë gjëra dhe pikërisht për hir të këtyre bestytnive shpeshherë jam bërë paranojake… Ama të dashura gra e nëna, po nëse dikujt i duhet të punojë në ekran gjatë shtatzënisë dhe barkun ja shohin me mijëra e miliona sy?! Po nëse gjatë asaj periudhë bëjnë foto veshjesh shtatzëna për punë dhe ato sërish shihen nga pafund sy…dhe akoma më e zakonshme, mjafton një ditë në plazh që barku të shihet nga dhjetra sy…Ju lutem boll përcollët energji të tilla dhe bestytni që në vend të na ndihmojnë thjesht të shtojnë ankthin! Mbase është idiotllik, por edhe unë besoj te syri, ama çdo gjë ka një limit, se s’do ngujohemi në shtëpi tani që të jemi të mbrojtur nga syri keq”- ka shkruar më herët Einxhel.
