Kohët e fundit Shawn Mendes dhe Camila Cabello kanë qenë kryefjala e mediave.
Dyshja po përflitet për një histori të mundshme dashurie dhe pavarësisht se nuk e kanë pranuar ende, ata janë parë disa herë duke shkëmbyer puthje pasionante.
Fotot që po qarkullojnë së fundmi kanë ngjallur dyshime tek fansat e tyre, të cilët mendojnë se kjo është vetëm marrëdhënie përfitimi dhe gjithçka bëhet vetëm për famë.
Megjithatë, sipas disa burimeve për ‘Entertainment Tonight’, Camila dhe Shawn janë shumë të vendosur ta bëjnë lidhjen e tyre të ecë përpara, pavarësisht se gjithçka filloi vetëm si flirtim.
Ata janë përpjekur në maksimum të gjejnë kohë për njëri-tjetrin, pavarësisht angazhimeve të shumta personale.
Burimi shton se Camila dhe Shawn janë më të dashuruar se kurrë dhe së shpejti do e pranojnë edhe publikisht.
