Koronavirusi po përhapet me një shpejtësi të frikshme në mbarë botën.
Shumë njerëz, pavarësisht se janë përpjekur të tregojnë kujdes, kanë rezultuar pozitivë ndaj COVID-19 dhe mes tyere ka edhe personazhe të famshëm.
Një ndër ta është edhe aktori i njohur, Idris Elba.
Ai tregoi se ka rezultuar pozitiv ndaj COVID-19 dhe u bëri thirrje të gjithëve që të tregojnë kujdes për veten.
Pasi konfirmoi infektimin, në media u tha se ai është në gjendje kritike për jetën, megjithatë aktori i ka mohuar kategorikisht këto fjalë.
“Kjo është gënjeshtër, tani jam mirë, faleminderit që më tregove”, i thotë Elba një fansi të shqetësuar.
Teksa iu përgjigj pyetjeve të fansave, aktori tha se ende nuk i janë shfaqur simptomat e koronavirusit.
Një prej tyre e pyeti “Sa ditë keni qenë i dobët Idris?”.
“Në të vërtetë nuk kam patur ditë kur kam qenë i dobët … Kam patur një dhimbje koke dhe dhimbje trupi ditën kur bëra provë por kaq”, tha 47-vjeçari.
Pas diagnostikimit, Idris pretendoi se ai është infektuar me virus nga Sophie Trudeau, pasi ishte takuar me të pak ditë më parë dhe ajo u testua pozitive.
