Aktori i njohur shqiptar, Herion Mustafaraj, ishte i ftuar sot në emisionin “Rudina”, ku ka folur si rrallëherë për jetën e tij personale.
Herioni tregoi se tashmë dikush e ka vjedhur zemrën e tij dhe ai po shijon një romancë të re.
Në fakt, partnerja e tij ka qenë mikesha e aktorit në lice, mirëpo dashuria e tyre kishte mbetur e pakonsumuar atë kohë.
Herioni rrëfeu se pas rikthimit të tij në Shqipëri, ata ishin takuar pas 30 vitesh dhe mes tyre kishte lindur dashuria.
“Që kur kam ardhur në Shqipëri u lidha me një mikeshën time që kemi qenë miq, shokë klase në shkollë të mesme, kemi bërë Liceun Artistik bashkë. U takuam pas 30 vitesh dhe e gjetëm përsëri njëri-tjetrin, edhe atë dashuri të pakonsumuar në atë kohë.
Ka pasur një simpati, por asgjë e konkluduar në atë kohë. Jeta erdhi në format e veta. Kemi gjetur njëri-tjetrin dhe është një ndjenjë shumë e veçantë. Sii të thuash, edhe të kthen mbrapsht në atë personalitetin tënd, kur ke qenë i pamanipuluar nga shoqëria. Mundohet njeriu të jetojë atë jetë dhe ato ndjenja.”-ka treguar aktori.
Megjithatë, ai ka preferuar të mos e zbulojë ende identitetin e partneres së tij.
