Drejtori i Shërbimit Parësor Spitalor, Aurel Voda, njëherazi bashkëshorti i zv/ministres së Brendshme, Rovena Voda, ka kërkuar falje pasi u shkarkua nga detyra për shkak të fjalorit banal në rrjetet sociale.
Ishte ministrja e Shëndetësisë Ogerta Manastirliu ajo e cila mori vendimin për shkarkim, pasi e quajti fjalorin e tij të patolerueshëm.
Ai ka bërë një status në Facebook, ku u kërkon falje qytetarëve dhe familjes së tij, ndërsa shprehet se nuk mund ta kthejë kohën pas.
Pas plot 6 vjetësh punë në FSDKSH, Voda shprehet se ka qenë mbrojtësi më i mirë i taksapaguesve shqiptarë.
Statusi i plotë:
Ju kerkoj falje publike të gjithë qytetarëve, që me të drejtë janë prekur nga fjalët e mia jashtë etikës qytetare.
Me këtë rast dua t’i sqaroj se kam në FSDKSH që nga tetori i 2013 dhe sot mbusha plot 6 vjet. Kam qenë mbrojtësi më i mirë i parave të taksapaguesve shqiptar. Me giithë tallazet që ka kaluar ky institucion unë nuk jam penalizuar asnjëherë as nga Auditi i Brendshëm, as nga KLSH.
Kam në pronësi 1/4 e një pallati 80 m2 në Durrës, por jam i lumtur se kam një familje të shkëlqyer prej 7 anëtarësh, dy prindrit, tre fëmijët dhe unë e bashkëshortja.
Iu kërkoj falje edhe atyre.
Gjithsesi treni nuk mund të ndalojë për asnjë person, kushdoqoftë ai.
