Era Istrefi hyri në histori duke u bërë këngëtarja e parë me origjinë shqiptare, që bëhet pjesë e këngës zyrtare të Kampionatit Botëror të futbollit.
Pasi përfundoi me sukses këngën “Live it Up”, që do të performohet në finalen e Kupës së Botës në Rusi, udhëtoi në Xhamajkë për xhirimet e klipit të këngës së saj më të re “Prisoner”.
Me ritme “reggae”, këngëtarja nuk mund të kishte zgjedhur vendndodhje më të mirë për xhirimin e videoklipit.
Nëpërmjet një postimi në Instagram, këngëtarja tregon se xhirimet nuk kanë qenë aspak të lehta, madje aktori protagonist është rrëzuar disa herë.
“Shepherd Sheldon është aktori në klipin “Prisoner”, e cila do të publikohet së shpejti. Ramë nga skuter, u bëmë pis, e pësuam, por në fund ia vlejti e gjitha”, shkruan Era krahas fotos me aktorin.
Burimi: Instagram
