Dy tërmete të fuqishme të njëpasnjëshëm, shoqëruar me qindra pasgoditeje goditën Turqinë dhe Sirinë më 6 shkurt. Deri tani fatkeqësisht numërohen miliona viktima dhe qindra mijëra persona të plagosur. Sikur të mos mjaftonin këto, pjesa tjetër e të mbijetuarve po luftojnë me temperaturat e ulëta në qiell të hapur, pasi ndërtesat në shumë qytete janë të rrënuara.
Edhe aktorja e famshme e serialeve turke, Cansu Dere ishte një nga emrat që u raportua e zhdukur nga tërmeti. Por ky lajmi u përgënjeshtrua menjëherë nga gazetarja Birsen Altuntas, e cila pohoi se aktorja turke gëzonte shëndet të plotë dhe ishte e angazhuar krahas kolegëve të saj për t’u ardhur në nevojë personave të dëmtuar nga kjo tragjedi kombëtare.
Që aktorja është shëndoshë e mirë u vërtetua edhe përmes një videoje të publikuar së fundmi që ka mjaftuar për t’i dhënë fund të gjitha dyshimeve.
Aktorja 42-vjeçare në video shihet në një qendër për shpërndarjen e ndihmave për personat e prekur nga tërmeti së bashku me yjet e tjera të kinematografisë turke si: Burcu Biricik, Pınar Deniz dhe Kaan Yıldırım.
Kujtojmë që Cansu Dere është një nga figurat e serialeve turke më të dashura edhe në Shqipëri. Ajo fitoi zemrat e të gjithëve me rolin e saj në serialet si “Bija ime”, apo “Nënë”. Gjithashtu Dere ka luajtur edhe Ejshanin në serialin hit në vendin tonë “Ezel”.
