Tragjedia në familjen Nrecaj sensibilizoi shumë nga gratë e Kosovës, të cilat u bashkuan për të protestuar lidhur këtë rast dhe për të gjitha ato gra që kanë humbur jetën në të njëjtën mënyrë.
Në mesin e protestuesve ishin edhe fëmijët e së ndjerës Valbona Marku Nrecajt, të cilët kërkuan drejtësi për motrën dhe nënën e tyre.
Dy vogëlushët mbajnë bluza me fotografinë e motrës dhe mbishkrimin “Drejtësi për Klarën” dhe “Drejtësi për motrën”. Po ashtu edhe daja i tyre, Shkëlzeni, u shpreh se do të kërkojë ndihmë nga Shqipëria.
Në mesin e pankartave është edhe ajo që e mban i biri i viktimës në dorë me mbishkrimin, “Të dua nënë”.
Marshit protestues iu bashkua edhe ish-presidentja e Kosovës, Atifete Jahjaga. Gratë mbanin pankarta në duar me mbishkrimin “Reagoni me kohë”.
40-vjeçarja Valbona dhe vajza e saj 9-vjeçare u qëlluan për vdekje mbrëmjen e 7 gushtit nga ish-bashkëshorti Pjetër Ndrecaj.
