Kryeministri i Sllovakisë, Robert Fico është në gjendje shëndetësore jashtëzakonisht të rëndë pasi mbeti i plagosur në një atentat që iu bë mesditën e sotme.
Ai u largua menjëherë nga vendngjarja teksa i hynë në ndihmë tre nga rojet e tij duke e larguar dhe duke e futur në makinë.
Ministri i Mbrojtjes së Sllovakisë, Robert Kalinak ka deklaruar se kryeministri është duke iu nënshtruar një operacioni dhe se gjendja e tij shëndetësore është shumë e rëndë.
“Shëndeti i Ficos është serioz, gjendja e tij është e keqe. Nuk kemi lajme të mira për momentin dhe shpresojmë në duart e mjekëve specialistë në spital”- tha ai në një konferencë për shtyp jashtë spitalit.
