Fëmijët e personazheve të njohur shqiptarë dhe të huaj, e kanë pasur më të lehtë që të hynë në botën e ekranit, si pasardhës të prindërve të talentuar.
Mund të themi kështu edhe për rastin e këngëtares së njohur nga Kosova, Mihrije Braha, djali i së cilës Platori, po ecën në gjurmët e saj.
Ajo postoi një video në “Instagram” një video ku shfaqet i biri, në sheshxhirimet e klipit të tij të parë.
“Kënga më e re me videoklip…RIP…..e Platorit….prapaskena……M.B”, shkruan këngëtarja.
Ndryshe nga e ëma, Platori do të vijë me një këngë të zhanrit “rep”. Dhe nëse menduat se kjo RIP është titulli i këngës, Mihrije Braha na e hodhi poshtë këtë ide.
Në komentet e videos, ndjekësit mendojnë se këngëtarja ka bërë ndonjë gabim, duke shkruar RIP në vend të “Rap” (muzikës që ai bën).
Por Braha vendosi që të përgjigjet vet për kuptimin e tekstit të shkruar prej saj, dhe RIP për të është shkurtimi i fjalës “Riprezantim”.
Burimi: Instagram
