Dy ditë më parë, bota e futbollit u trondit nga lajmi për një sulm ndaj babait të Lamine Yamal, Mounir Nasraoui, i cili u godit me thikë në një parking në Mataró.
Mounir është jashtë rrezikut dhe rikuperimi i tij sipas “Elmundodeportivo” është në rrugën e duhur. Emisioni sportiv spanjoll ‘El Chiringuito’, gjithashtu siguroi një deklaratë të babait të talentit katalanas.
“Faleminderit zotit jam shumë më mirë, thjesht më ulën në tokë. Duhet të jem më i qetë për të mirën e të gjithëve, timen dhe të familjes sime. Nuk kam zgjidhje tjetër. Duhet të mendojmë se drejtësia do të bëjë punën e saj dhe do të bëhet. Është gjëja më e rëndësishme. Në jetë çdo gjë ka një zgjidhje”, tha Mounir Nasraoui.
Ai pranoi se vuajti për jetën pas goditjes së trefishtë me thikë nga një grup personash që duket se i zunë pritë pas konfliktit të mëhershëm, teksa ai po shëtiste qenin e tij, në rrugët e Badalonas.
“E pashë veten mes jetës dhe vdekjes, sigurisht që kisha frikë. Si çdo qenie njerëzore”, tha babai i Lamine Yamal, i cili më pas shtoi: “Shpresoj që të dalë sa më shpejt”, teksa dhe falënderoi mbështetjen e marrë pas goditjeve me thikë.
