Këngëtarja shqiptare me famë botërore, Bebe Rexha, ka mbledhur 85 mijë dollarë për personat e prekur nga tërmeti i së martës, me të cilat do të gëzojë dy familje.
Fillimisht, këngëtarja zgjodhi familjen Musa për t’i rindërtuar shtëpinë, duke treguar në Instagram pamjet e shtëpisë së shkatërruar.
Bebe tregonte se situata ishte dramatike dhe se familja Musa kishte shumë nevojë për ndihmë.
Pas familjes së parë, këngëtarja e ka bërë edhe përzgjedhjen e së dytës.
Pak më parë ajo njoftoi në InstaStory se familja e dytë të cilës do t’i ndërtohet një shtëpi do të jetë familja Bushi.
Bebe ndau pamjet e banesës së shkatërruar, duke gëzuar kështu edhe familjen e dytë, së cilës do t’i sigurohet shumë shpejt një strehim.
