Që prej publikimit të bashkëpunimit të tyre të titulluar “Senorita”, Camila Cabello dhe Shawn Mendes janë parë kudo së bashku. Si për çudi, vetëm 6 ditë pas publikimit të klipit të ri, Camila u nda nga i dashuri i saj, Matthew, me të cilin shoqërohej prej një viti.
Teksa të gjithë po flisnin për romancën e re në krahët e Shawn, Camila rrëfeu gjatë një interviste se mes saj dhe këngëtarit nuk kishte asgjë më shumë se miqësi.
“Nuk kam pasur kurrë shumë miq. Gjithmonë kam pasur vetëm disa njerëz në jetën time të cilëve i besoja. Ndihem sikur është kaq e rrallë për të takuar dikë sot dhe për të gjetur një person të asaj cilësie dhe ndihem sikur Shawn është ai person për mua”.- u shpreh ajo.
Megjithatë, filmimet kanë treguar të kundërtën. Çifti është kapur mat në një kafe në San Francisko teksa preknin duart me njëri-tjetrin dhe janë fotografuar të përqafuar. Sipas “Dailymail”, pasi e shoqëroi në dy turet e tij në Los Angeles, Camila do t’i bashkohet Shawn-it edhe në Kaliforni.
