DJ-i i njohur australian Adam Sky ka vdekur në një incident gjatë pushimeve në ishullin indonezian të Balit.
42-vjeçari raportohet se u plagos rëndë duke u përpjekur të ndihmonte një shoqe që kishte pësuar lëndime të shumta.
Ai po qëndronte në një resort bashkë me miken ruse, Zoia Lukiantceva, e cila thuhet se kishte rënë nga 4 metra lartësi në zonën e pishinës private, duke thyer këmbën.
DJ-i po nxitonte për të ndihmuar miken e tij duke vrapuar, kur u përplas me një derë qelqi që i shkaktoi plagë të rënda dhe humbje gjaku.
Një njoftim zyrtar që konfirmon vdekjen e DJ-it është postuar në faqen e tij zyrtare Instagram.
Sky, emri i vërtetë i të cilit është Adam Neat, u rendit si DJ-i i tretë më popullor në Azi vitin e kaluar.
Ai u konsiderua një yll në rritje nga JUICE Magazine Asia.
