Rita Ora është përfolur se ka pasur një lidhje me modelen Cara Delevingne, të cilën sot e ka mikeshë të mirë.
Thashethemet dolën fill pas publikimit të këngës “Girls”, që u cilësua si një himn ndaj komunitetit “LGBTI”.
Këngëtarja madje pranoi për herë të parë se është biseksuale:
“Unë jam 50/50, dhe nuk do ta fsheh. Nuk e fsheh atë që jam, kush jam unë”, thuhej në vargjet e këngës.
“The Sun” më pas shkroi se kjo këngë i dedikohet modeles, Cara Delevingne.
“Gjithmonë është spekuluar për marrëdhënien mes Ritës dhe modeles. Ato kurrë nuk e kanë konfirmuar apo mohuar diçka të tillë, por dyshimet janë të mëdha”,.
Megjithatë pavarësisht spekulimeve, një gjë është e sigurt. Rita vijon të ketë marrëdhënie miqësore me Cara-n.
Në një fotografi të postuar nga Rita në Instagram, shihet se modelja ishte e pranishme në koncertin e saj në Londër, madje qëndroi në prapaskenë për t’i dhënë një përqafim para performancës.
