Pas ndarjes nga këngëtarja Xhensila Myrtezaj, lajm i cili vazhdon të bëjë bujë në media, aktori humorit, Bes Kallaku, prej disa ditësh është përfolur për një romancë të re dashurie.
Ai u tha se ka nisur një lidhje me ish-konkurrenten e “Përputhen”, Çiljeta Kormuzi. Kjo pasi dyshja u shfaqën në një fotografi së bashku, gjë që solli dyshime se mes tyre mund të kishet diçka më tepër sesa miqësi. Megjithatë në një prononcim për Anabel, aktori i humorit hodhi poshtë këto aludime.
“Ajo është menaxherja e Mandit të Nishtullës. Kemi rastisur në koncert së bashku me Mandin dhe me të në Bruksel”, u shpreh ai.
Këngëtari ndër të tjera theksoi: “As nuk kam pikën e lidhjes me të! Më mbani larg këtyre lajmeve të stisura, ju lutem. Kam të tjera prioritete në jetë. Faleminderit”.
Bes Kallaku dhe Xhensila Myrtezaj janë ndarë dhe thuhet se kanë nisur edhe procesin e divorcit. Ndarja mes dyshes duket se nuk ka qenë miqësore dhe këtë e dëshmojnë “thumbat” ndaj njëri-tjetrit në projekte muzikore ose postime të ndryshme në rrjete sociale.
