Kim Kardashian dhe Kanye West duket se janë pajtuar sërish me miqtë e tyre të vjetër, pasi çifti u fotografuan duke shkuar në shtëpinë luksoze të Jay Z dhe Beyonce në Beverly Hills të premten.
USWeekly raporton se ata shkuan për të festuar ditëlindjen e pestë të Blue Ivy Carter. Në tetor, Kanye shprehu live pakënaqësinë ndaj mikut të tij, Jay Z që nuk e kishte vizituar, pasi Kim u grabit në Paris, gjatë javës së modës.
“Mos më telefono, pas grabitjes, të më pyesësh si ndihesh?” Do të dish si ndihem? Eja në shtëpi. Sill fëmijët, si të jemi vëllezër. Le të ulemi të flasim. Nuk i duroj dot këto gjera vëlla. Fëmijët tanë as nuk kanë luajtur bashkë”, u shpreh Kanye gjatë koncertit.
Pas grabitjes që i ndodhi Kim-it në Paris, Jay Z vetëm ka telefonuar për të pyetur se si janë e as nuk është munduar t’i vizitojë, raportonin gazetat në atë kohë. Por me sa duket tashmë gjërat janë kthyer në normalitet mes palëve dhe çifti Kardashian-West kanë nisur sërish vizitat në shtëpinë e Beyonce-s dhe Jay Z.
