Që prej muajit maj u përfol lart e poshtë se aktori i famshëm Jason Momoa ishte në një lidhje me bukuroshen Eiza González.
“Ata të dy po takohen me njëri tjetrin. Ai po kujdeset për të”, – tregonin burimet.
Ndërsa një burim i afërt me Momoa dhe González shtoi: “Ata të dy janë të zënë me punë, por po argëtohen së bashku. Nuk është ende asgjë serioze.”
Gjërat jo vetëm që u bënë serioze me kalimin e muajve, por ata edhe u ndanë për shkak të mosmarrëveshjeve që kishin me njëri-tjetrin.
Mirëpo, dashuria di të triumfojë gjithmonë, ndaj Jason dhe Eiza janë rikthyer sërish bashkë duke shuar çdo mosmarrëveshje.
Çifti është fotografuar në rrugë teksa kanë konfirmuar rikthimin e tyre me një xhiro me motor, si dy zogj të dashuruar.
Ju kujtojmë që aktori ka qenë i martuar me Lisa Bonet, por në janar ata njoftuan ndarjen.
Ata kanë një vajzë që quhet Lola Iolani, 14 vjeç, dhe djalin Nakoa-Wolf, 13 vjeç.
Së fundmi, Momoa u përfshi në një aksident me motor në zonën e Los Angeles.
ktori i “Aquaman” dhe “Game of Thrones” ishte duke vozitur përgjatë rrugës ‘Old Topanga’ në Calabasas, Kaliforni, pak para orës 11 të mëngjesit të së dielës, kur një 21-vjeçar me një motoçikletë kaloi vijën qendrore dhe u përplas me kokë.
Patrulla e autostradës së Kalifornisë tha se motoçiklisti goditi pjesën e përparme të majtë të makinës së Momoas dhe u hodh nga motori.
Momoa doli nga makina e tij për të ndihmuar motoçiklistin dhe thirri ambulancën. Patrulla e autostradës së Kalifornisë tha se aktori nuk ishte lënduar. Motoçiklisti u dërgua në një spital rajonal për lëndime të lehta, jashtë rrezikut për jetën. Është akoma e paqartë pse motoçiklisti kaloi vijën qendrore. Asnjë akuzë nuk është ngritur për aksidentin.
