Një ditë pas ndërhyrjes kirurgjikale që rezultoi me sukses, Presidenti i Kosovës, Hashim Thaçi ka një tjetër arsye për të festuar.
Ai mbush sot 52 vjeç dhe në këtë ditë të veçantë ka marrë edhe një urim nga djali i tij i vetëm, Endriti.
Përmes Instagramit, ku ka publikuar një fotografi me presidentin, Endriti e ka quajtur Thaçin, njeri shkëmb, të patrembur e shtyllë mbështetëse.
“Shkëmb babë. Gur i palëvizshëm, i patrembur, shtyllë pa të cilën kulmi nuk qëndron. Gjithmonë në zemrën time dhe të nanës – dhe një shteti të tërë. Urime ditëlindjen”, ka shkruar ai.
Presidenti u shtrua në spital 3 ditë më parë pas disa problemeve me gurët në veshka. Ai iu nënshtrua disa analizave dhe dje mjekët realizuan ndërhyrjen në Klinikën e Urologjisë.
Presidenca ka bërë me dije se Thaçi është në gjendje stë qëndrueshme dhe se operimi ka përfunduar me sukses.
“Pas përfundimit të këtij intervenimi, presidenti Thaçi është shprehur mirënjohës për profesionalizmin dhe kujdesin e stafit profesional në Klinikën e Urologjisë dhe në tërë SHSKUK-në”, thuhet në njoftimin e presidencës.
https://www.instagram.com/p/B_W8vz1lMgw/?utm_source=ig_embed
