Arnisa Këlliçi, është gjyqtarja e cila në datën 20 janar të këtij viti kallëzoi se në zyrën e saj i kishte mbërritur me anë të postës një letër ku shkruhej: “E dashur gjyqtare A….., keni dy fëmijë, D…… dhe R…….. Mendoni për ta se mund të rroni ju e jo ata dhe kjo është e rëndë..”
Pas kësaj Prokuroria nisi në mënyrë të menjëhershme hetimet, dhe arriti në konkluzionin se çdo gjë ishte e rremë dhe se letra është shkruajtur nga vetë gjyqtarja.
Supozohej se në momentin që ajo ka hyrë në zyrë, mbi tavolinën e punës ka gjetur një zarf, në brendësi të së cilit shënoheshin kërcënime për të dhe në momentin që ajo kishte parë emrat e fëmijëve ishte ndjerë e trembur.
Pasi Prokuroria mësoi se ky ishte një kallëzim i rremë, Këshilli i Lartë Gjyqësor mori masë për shkarkim të menjëhershëm nga detyra të gjyqtares Arnisa Këllici.
Sipas informacioneve, Komisioni Disiplinor ka propozuar dhe shkarkimin e gjyqtares.
