Pas 17-vitesh në krahët e njëri-tjetrit, Jonida Maliqi dhe ish-bashkëshorti i saj Gent Prizreni vendosën t’i japing fund historisë së tyre të dashurisë. Maliqi dhe Prizreni janë prindër të një djali, Dan, të cilit Jonida i është përkushtuar tërësisht, duke e kthyer në kryefjalë të ditës së saj.
E ftuar në një bisedë me gazetaret Aulona dhe Fatma, Jonida foli për herë të parë për marrëdhënien e saj me ish-bashkëshortin.
“Jeta vazhdon përpos gjithë situatave të ndryshme, të shkuarën tonë nuk e ndryshojmë dot. Dhe nëse unë do të mohoja të shkuarën time, do mohoja vetëveten. Ruaj kujtimet shumë të bukura nga marrëdhënia. Jam e lumtur që kemi arritur në një raport shumë njerëzor sepse kemi një fëmijë në mes”- është shprehur Jonida Maliqi.
E pyetur nëse ende vazhdon të besoj në dashuri, Jonida Maliqi i përgjigjet: “Patjetër, ska jetë pa dashuri. Është universale dhe përpos gjithë situatave që na ndodhin në jetë qoftë edhe momenteve të lumtura, të vështira, zhgënjimeve, nuk mund të jetosh pa dashuri. Është ajo që të krijon vetëbesim dhe ajo që kërkojmë të gjithë. Askush nuk do të rri vetëm.”
Jonida Maliqi sapo ka publikuar edhe videoklipin e saj më të fundit me titull “N’errësirë”, për të cilin u shpreh se është një këngë shumë personale për të.
