Çifti i ashtuquajtur më afatgjatë i “Përputhen” siç duket po përjetojnë një periudhë shumë të keqe në lidhjen e tyre të ngjashme me një moment të tillë vitin e kaluar, por ndryshe nga vjet tani duket se nuk ka më kthim pas për ta.
Këtë kanë nënkuptuar disa shkrime të publikuara nga vetë Melisa në “Instastory”.
“E penduar deri në pikë të fundit. U kry. Euforike gjithmonë. Hiperaktive. Flas pafund prandaj ma kanë vu gishtin gjithmonë mu. Veç unë e ti e dimë sa shumë nuk kam folur. Nuk më intereson çka ju të gjithë mendoni sepse ky është limiti” – është shprehur e revoltuar ajo.
Megjithatë, së fundmi Melisa ka treguar se ndoshta mund të ketë qenë një reagim impulsiv i momentit, gjë që u reflektua në postimin e saj të fundit.
Ajo ka publikuar një pikturë ku shfaqet një vajzë duke qarë, duke treguar gjendjen e saj aktuale.
Ndërsa bashkëngjitur me të Melisa shkruan në anglisht: “Mbase jam pak impulsive, më fal për fjalët e gabuara që të thashë sepse isha me nerva”.
Lidhur me këtë postim ende nuk ka reaguar Andi, i cili gjithashtu ka fshirë të gjitha fotot në rrjetet sociale, ku shfaqej së bashku me Melisën.
