Rita Ora po përflitet ditët e fundit për një romancë të mundshme me regjisorin e famshëm të filmave, Taika Waititi. Fillimisht ishte Rita ajo që nxiti thashethemet për lidhje, pasi publikoi në rrjete sociale një foto me regjisorin. Të dy ata dukeshin shumë të afërt me njëri-tjetrin, teksa Taika i kishte hedhur duart në qafë Ritës. Madje të dy ishin veshur gati njësoj me rroba nga marka e famshme “Gucci”.
Së fundmi, artistja shqiptare u fotografua teksa drekonte bashkë me regjisorin dhe personazhe të tjerë të famshëm në Sydney.
Bashkë me dyshen, të pranishëm ishin gjithashtu dhe Sacha Baron Cohen dhe Isla Fisher, Russell Crowe dhe Britney Theriot. Ende nuk është konfirmuar asgjë nga ata të dy, por burimet për mediat e huaja janë shprehur se ata janë parë duke u puthur brenda një restoranti.
Sipas informacioneve, ata janë në lidhje prej më shumë se një muaji, ndërsa këngëtarja ka qenë në Sydney për spektaklin “The Voice”. Megjithatë dyshja nuk kanë bërë asnjë lloj reagimi në lidhje me këto lajme dhe pyetja që po i mundon fansat është: a janë apo jo bashkë Rita dhe Taika?
Kësaj pyetje nuk mund t’i përgjigjet askush me siguri të plotë, por shenjat na çojnë drejt përfundimit se mes tyre ka lindur diçka. Ditën e premte dyshja i kanë hedhur benzinë zjarrit, pasi janë shfaqur bashkë në premierën botërore të “Drag Race Doën Under” në Sydney.
Sipas disa burimeve, Taika do të ketë rolin e jurisë në kompeticion dhe në tapetin e kuq të premirës ai u shfaq përkrah Rita Orës. Të dy dukeshin të mrekullueshëm, teksa Rita ra në sy të të gjithëve e veshur me një veshje komplet të bardhë dhe një xhaketë me printe leopardi.
