Lajmi se reperi Skerdi Ago dhe partnerja e tij, gazetarja Vesa Rama ishin në pritje të fëmijës së tyre të parë, pushtoi mediat rozë rreth një muaj më parë.
Ishte vetë çifti që e bëri të ditur lajmin e gëzueshëm nëpërmjet një postimi në Instagram dhe që prej asaj ditë, ata kanë nisur të zbulojnë detaje të reja mbi jetën e tyre private.
Ditën e sotme, Skerdi i pohoi një ndjekësi në Instagram se ai dhe Vesa do të mbajnë një dasmë pasi bebushi të vijë në jetë (lexo këtu), por refuzoi të deklaronte gjininë e fëmijës.
Por tentativa e Skerdit për ta mbajtur të fshehtë një gjë të tillë duket se nuk ka qenë shumë e suksesshme pasi burime për “Xing.al” kanë konfirmuar se dyshja është në pritje të një djali.
Vesa tashmë është në muajin e pestë të pritjes së ëmbël dhe dyshja duket se po e pret me padurim ardhjen në jetë të vogëlushit të tyre.
