Elvana Gjata u rendit në treshen më të mirë të Festivalit të Këngës, duke rrëmbyer çmimi e dytë pas Arilena Arës.
Këngëtarja ishte përfolur si fituesja e edicionit të 58 të festivalit, dhe fitorja e Arilenës ishte një surprizë jo vetëm për ne, por edhe për vetë Elvanën.
Pasi u shpall fituesja, Elvana qëndroi në skenë deri në momentin kur Alketa mbylli festivalin, duke duartrokitur dhe dhuruar puthje për fansat që thërrisnin emrin e saj.
Ajo qëndroi si një profesioniste para publikut, por në prapaskenë nuk mund të themi të njëjtën gjë.
Menjëherë pas finales, Elvana nuk dha asnjë intervistë duke i lënë gazetarët në pritje për të marrë deklaratën e saj, ashtu siç ndodhi me Arilenën dhe Sarën që pozuan me kupën në dorë.
“Iconstyle.al” ka mundur të sigurojë një foto të gazetarëve duke pritur Elvanën.
Elvana nuk u shfaq as në Post Finalen e drejtuar nga Eni Shehu, ku përpos Arilenës, e vetmja nga këngëtaret që mori pjesë ishte Sara Bajraktari, e cila fitoi çmimin e tretë.
