Lidhja e shumëpërfolur mes Pete Davidson dhe Kate Beckinsale nuk i ka shpëtuar vëmendjes së moderatorit të emisionit “The Masked Singer” Nick Cannon, i cili ka guxuar të fyejë ish-të dashurën e Pete, Ariana Grande-n.
Ai e ka cilësuar këngëtaren si një “Yll i vogël pop-i”, ndërsa nuk ka ngurruar të thotë se ishte ideja e tij që Pete të dilte në takim me një femër më të madhe në moshë.
“Natën e kaluar isha me vëllanë tim të vogël, Pete Davidson. Ishim në Brooklyn! Po bënim një bisedë të këndshme dhe unë thashë: E kam mësuar mirë këtë djalë të ri”.
“Do të marr meritat për këtë. Unë jam ai që i tha atij, gjej një femër më të madhe në moshë. Leri rehat yjet e vegjël të pop-it. Një femër e madhe në moshë e di çfarë kërkon, ajo nuk luan lojëra, është serioze … Për këtë e kam fjalën, gjej dikë më të madhe!”
Dhe nëse mendoni se fyerjet mbaruan me kaq për Ariana Granden, prisni se ka akoma.
“Yjet e vegjël të pop-it, nuk e dinë! Ato bëjnë tatuazhe nga menutë japoneze në shpinë. Bëj shaka, por kjo është dora e Ariana Grande-s dhe unë mendoj se kjo ndodhi pasi u përpoq ta rregullonte (tatuazhin). Kjo është një punë për vajzat e reja!”
Epo tani u mbush kupa! shpresojmë që Ariana të nxjerrë kthetrat!
