Aktorja Zoe Kravitz dhe i dashuri i saj, aktori Karl Glusman tashmë janë zyrtarisht burrë e grua!
Çifti i artistëve mësohet se ka lidhur kurorë së fundmi në fshehtësi të plotë, ndërkohë që të gjithë janë në pritje të dasmës që do të mbahet në muajin qershor në Francë.
Vajza e Lenny Kravitz dhe aktori 31-vjeçar janë lidhur që në 2016-ën dhe vetëm pak muaj më parë, Zoe rrëfeu për revistën “Rolling Stone” se ata ishin fejuar.
“Ai qëlloi në shenjë. Dhe më pëlqeu shumë që nuk ishte ndonjë plan i ndërlikuar në Paris. Ishim në shtëpi, të veshur me pizhama!”-u shpreh 30-vjeçarja lidhur me propozimin.
Në janar, Kravitz zbuloi për herë të parë se kishte nisur përgatitjet e dasmës dhe ndonëse gjithçka i dukej e ndërlikuar, ishte e ekzaltuar për ditën e saj të madhe.
