Meliku i “Për’Puthen” është rikthyer sërish në qendër të vëmendjes. Ai më herët bëri me dije lidhjen e tij të dashurisë por mesa duket jo gjithçka përfundon këtu.
Ai i ka dhënë fund beqarisë duke u martuar kështu me partneren e tij.
Lajmi u bë me dije nga vetë ish-konkurrenti i Për’Puthen. Ai ka publikuar video në rrjete sociale ku shihet i veshur si dhëndër.
Gjithashtu, në video shihet edhe nusja që qenka kaq e bukur.
Bukuroshja quhet Jonida dhe çifti duken kaq të lumtur krah njëri tjetrit.
“U martova dhe unë më në fund”, shkruan Meliku në video.
Kujtojmë që Meliku pati një debat të fortë në “Për’Puthen” me Fjorin.
Shkak i këtij konflikti u bë fakti se, së fundmi një video nudo e Fjorit ka qarkulluar në rrjetet sociale.
Kjo gjë u kthye menjëherë asokohe në temën e diskutimit që solli ofendime të rënda dhe fjalë të ashpra mes Fjorit dhe Melikut në studio.
Fillimisht, ishte Meliku ai që i përmendi videon. Kështu, kjo gjë solli dhe reagimin e Fjorit, e cila u ngrit e revoltuar dhe tentoi t’i afrohej atij për ta goditur. Megjithatë, ajo nuk arriti ta godiste, pasi konkurrentët e tjerë ndërhynë menjëherë duke mos lejuar që situata të agravonte.
Më pas Fjori sqaroi ngjarjen e rëndë që ka përjetuar.
