Lista e personazheve të njohur të prekur nga Covid-19 sa vjen e zgjerohet. Së fundmi aktorja e mirënjohur e humorit, Mariana Kondi, ka zbuluar se edhe ajo është infektuar. Mariana ka ndarë në rrjete sociale një foto nga shtëpia e saj, ku shihet e mbuluar me batanije në shtëpinë e saj.
Ajo ka treguar se ka marrë një këshillë shumë të vyer nga mjeku Pëllumb Pipero, që e kanë ndihmuar gjatë këtyre ditëve. Kondi është shprehur se më parë dëgjonte çdo njeri që i fliste rreth virusit, ndërsa tani është e vendosur për të dëgjuar vetëm profesionistët.
“Të falënderoj Dr.Pipero për këshillën e rëndësishme që më dhe! Mos shiko dhe mos dëgjo se ç’thonë njerëzit… vetëm mjekun specialist! U lodha duke dëgjuar mendimtarët idiot, futur edhe unë brenda dhe për pak sa i besoja plotësisht! Jooo! Dëgjoni vetëm mjekun dhe jo frikë, por përkushtim ndaj vetes!”, shkruan aktorja e humorit.
View this post on Instagram
Ndërkohë personazhe të tjerë që kanë kaluar Covid-19 janë: Agron Llakaj, Florjan Binaj, Monika Lubonja, Orgesa Zaimi, Fjodora Fjora, Ledio Lako, Megi Pojani etj.
