Gjykata e Apelit vendosi ditën e sotme që mos të pranonte kërkesën e Rexhep Rrajës për lirinë me kusht. Trupi gjykues la në fuqi vendimin për “arrest me burg” për djalin e deputetit Rrahman Raja.
Rexhep Rraja u arrestua më 30 shtator për akuzën e përndjekjes së ish-të dashurës së tij, Xhiseila Malokut. Seanca për apelimin e masës së arrestit me burg nisi sot në orën 10:30, ku Rexhepi nuk mori pjesë, por u përfaqësua nga avokati i tij.
Teksa parashtronte provat në favor të klientit të tij, sipas “BalkanWeb” avokati mbrojtës i Rrajas, Ilir Murati, pohoi se denoncimi nga Xhisiela Maloku është bërë për motive xhelozie dhe se nuk ka të bëjë fare me përndjekjen. Sipas Muratit, vepra penale e përndjekjes nuk qëndron.
“Vepra penale e përndjekjes nuk qëndron. Të shfuqizohet vendimi i gjykatës së Krujës. Të bëhet lirimi i klientit tim Rexhep Rraja. Xhisiela e ka bërë kallëzimin për xhelozi”, tha Murati.
Pavarësisht deklaratave të tij, Apeli vendosi që të mos ndryshonte masën e sigurisë.
Burimi: BalkanWeb
