Në fillim të vitit, balerini i njohur Graciano Tagani deklaroi publikisht se është larguar nga trupa e baletit “Albi Nako Dance”.
Gracioano Tagani i habiti të gjithë duke thënë se pas 7 vitesh punë së bashku, koreografi i njohur Albi Nako e pushoi nga puna me një mesazh të vetëm.
Megjithatë, palët duket se i shuan mosmarrëveshjet mes tyre, madje u panë në disa projekte të përbashkëta (lexo këtu), si trupa e baletit nëpër koncertet e Elvana Gjatës brenda dhe jashtë vendit.
Ndërkohë, sezoni i ri televiziv, duket se do ta gjejë Gracianon në një pozicion të rëndësishëm në televizionin konkurrent “Top Channel”.
Sot ai publikoi në Instagram një video nga ambientet e “Top Channel”. “Blitz.al” thotë se Graciano do të jetë balerin, koreograf i emisionit “E Diell”, madje jo vetëm kaq por në vazhdimësi të eksperiencës së tij, i është besuar dhe një rubrikë në programin e së dielës.
Nuk e dimë se çfarë ndodhi me rubrikën “Dance with Graciano”që iu besua Gracianos në “Mos i fol shoferit”, por presim ta mësojmë sa më shpejt!
https://www.instagram.com/p/Bu_-AHyFqwU/?utm_source=ig_embed
