Paul Morina u largua nga “Big Brother VIP Kosova 3” të hënën për shkak të problemeve shëndetësore. Pas daljes nga shtëpia, ai ka dhënë intervistën e tij të parë këtë të mërkurë në emisionin “Ora 7” në Klan Kosova, ku ka folur për finalistët e mundshëm dhe ata që sipas tij e meritojnë fitoren.
Ai përmendi disa emra si Vullneti, Driloni, Xuxi, Drenusha, Gresa, dhe nëse i lejohet, edhe Leo, si kandidatët që mund të arrijnë finalen. Sidoqoftë, ai theksoi se Vullnetin, është ai që e sheh si fitues të këtij edicioni, duke e konsideruar si banorin që ka potencialin për të rrëmbyer çmimin e madh.
Morina ka qëndruar në shtëpinë e Big Brother për më shumë se një muaj, duke mbajtur një qëndrim të qetë gjatë gjithë kohës. Gjatë kësaj jave, ai u shpall nga publiku si banori më pak i preferuar, duke e çuar direkt në nominim.
