Policia ka ndaluar aktorin e TV Klan Olsi Bylyku, në një nga postoblloqet e kryeqytetit që janë ngritur pas masave të ndërmarra nga qeveria për frenimin e përhapjes së Koronavirusit.
Olsi kishte vetëm pak ditë që ishte kthyer nga Italia, më 8 mars dhe sipas vendimit të qeverisë ai duhej të qëndronte i izoluar në shtëpi për të paktën 14 ditë.
Aktori shqiptar nuk ishte i pajisur as me lejen e posaçme siç ka paralajmëruar policia, duke qenë në kundërshtim të plotë me urdhrat e autoriteteve ligjzbatuese.
Një ditë më parë, Olsi iu bashkua thirrjes “Unë qëndroj në shtëpi” të shumë personazheve të njohur shqiptarë, duke publikuar një video nga shtëpia e tij.
Por sot me sa duket aktori nuk e ka mbajtur fjalën. Policia e ka shoqëruar Olsin për në banesë duke i kërkuar marrjen e masave dhe vetëizolim pasi mund të rrezikojë veten dhe personat e tjerë në marrjen ose përhapjen e Koronavirusit.
Sa i përket masave të qeverisë, është parashikuar gjithashtu gjobitja e personave që nuk zbatojnë këtë vendim me 5 mijë euro nëse dalin nga shtëpitë e tyre pa kaluar 14 ditë. Nuk e dimë nëse është zbatuar kjo gjë për aktorin!
https://www.instagram.com/p/B9m7wNJHKpx/
