Brad Pitt është rikthyer pas një viti të vështirë dhe stresues që kaloi pas ndarjes nga Angelina Jolie.
Aktori 53-vjeçar ka pushtuar faqen e parë të revistës “GQ”, duke u bërë kështu hera e parë që ai është shfaqur në kopertinën e një reviste, që nga ndarja e tij me Angelina Jolie-n në gushtin e kaluar.
Aktori u shfaq në tre kopertina të ndryshme për revistën, duke parë me shpirt kamerën në secilën prej tyre. Sytë e tij të kaltër blu janë pika qendrore e çdo kopertine por aktori nuk buzëqesh në asnjë nga tri fotot e publikuara.
Intervista, e cila ende nuk është publikuar, është e para që nga ndarja e tij me gruan Angelina. Brad dhe fotografi Ryan McGinley udhëtuan në Monumentin Kombëtar të White Sands, Parkut Kombëtar të Carlsbad Caverns, dhe Parkut Kombëtar Everglades dhe fotot janë rezultat i këtij udhëtimi.
Ai pastaj u ul për një intervistë personale, të cilën “GQ” e përshkruan si një bisedë “të papërpunuar dhe reflektuese” rreth dashurisë, humbjes, atësisë, dhe si të ecësh përpara pasi gjërat shkatërrohen.
Kohët e fundit, duket sikur gjërat po përmirësohen mes tij dhe familjes, siç u njoftua javën e kaluar se, gjashtë fëmijët e tij qëndruan me të në shtëpinë e aktorit në Los Anxhelos për herë të parë në shtatë muaj.
Aktori mirëpriti Maddox, 15 vjeç, Pax, 13, Zahara, 12, Shiloh, 10 dhe binjakët tetëvjeçarë, Vivienne dhe Knox së bashku me dy dadot e tyre në fundjavë.
“53-vjeçari dhe fëmijët kaluan një darkë familjare rreth tryezës, të cilën Brad-i me të vërtetë po e shijonte”, tha një burim për “In Touch Weekly” të mërkurën e kaluar.
“Ishte një kaos total, pasi të gjithë donin të hanin gjëra të ndryshme dhe Bradi ishte mirënjohës që kishte një kuzhinier i cili i plotësoi të gjitha kërkesat e tyre”, tha burimi.
Burimi: Daily Mail
