Pak më parë “Top Channel” ka publikuar një lajm ku shkruan se një grua e moshës 50-vjeçare është sjellë nga karantina e spitalit të Lushnjes drejt QSUT-së në Tiranë.
Ajo ka shfaqur simptoma të ngjashme me koronavorusin, si temperaturë të lartë, probleme në frymëmarrje dhe dhimbje artikulacionesh.
Pas këtij rasti ka reaguar drejtori i Spitalit të Lushnjës, i cili ka treguar se gruaja u transferua për tek Infektivi në QSUT pasi shfaqi temperaturë të lartë dhe dyshimet u shtuan edhe më shumë pasi ajo ka ardhur nga Italia.
Gjithashtu, ai nuk përjashton mundësinë që 50-vjeçarja të jetë e prekur vetëm nga gripi sezonal.
“Për mua dhe për stafinz ishte rast i zakonshëm grupi. Por për shkak se gruaja ishte kthyer nga Padova, vend i infektuar nga koronavirusi, ne zbatuam protokollin dhe e nisëm për tek Infektivi në Tiranë”, është shprehur ai.
Mësohet se ajo është izoluar në karantinë dhe pritet ti nënshtrohet analizave për të parë nëse është e infektuar me koronavirus.
